Mae’n bleser gan WHELF a Jisc Cymru gyhoeddi bod modd archebu lle bellach yng nghynhadledd Lleisiau Eithriedig eleni
Cynhelir y gynhadledd undydd am ddim ar-lein ar 29 Mehefin 2022. Rydym ni’n annog cydweithwyr o lyfrgelloedd, amgueddfeydd a sefydliadau’r sector treftadaeth ar draws y DU ac Iwerddon i ymuno â ni.
Yn 2022, rydym ni’n adeiladu ar y themâu sylfaenol a osodwyd yng nghynhadledd gyntaf Lleisiau Eithriedig. Ein bwriad yw mynd i’r afael â chynwysoldeb a hygyrchedd mannau (corfforol ac ar-lein) a byddwn yn ystyried y ffyrdd y gall croestoriadedd lleisiau ffurfio polisi, casgliadau, gwasanaethau a diwylliant sefydliadol. Bydd Lleisiau Eithriedig 2022 yn arddangos y ffyrdd y gallwn barhau gyda gwaith i ddileu rhwystrau lle bynnag rydym ni’n dod ar eu traws.
Excluded-Voices-29-June-2022-FINAL-programme
Mae’r canlynol ymhlith y siaradwyr sydd wedi’u cadarnhau:
Cyflwyniad i’r Pecyn Cymorth Amrywiaeth a baratowyd gan Melian Dialogue i Gyngor Archifau a Chofnodion Cymru – Sally McInnes, Llyfrgell Genedlaethol Cymru.
Prosiect Curaduron Amrywiaeth Prifysgol De Cymru – José Lopez Bianco, Sian Chaney-Price a Gill Edwardes, Prifysgol De Cymru.
Lleisiau Amrywiol: Archwilio cydraddoldeb, amrywiaeth a chynhwysiant yn y cwricwlwm ym Mhrifysgol Glyndŵr – Zoë Collyer-Strutt, Prifysgol Glyndŵr Wrecsam.
Asesiad Beirniadol o Degwch Gwasanaethau Llyfrgell drwy Arolwg Blynyddol y Myfyrwyr – Tracey Stanley, Prifysgol Caerdydd a Kia Duplock, Prifysgol Caerdydd/Prifysgol De Cymru.
Gallwn wneud ein haddysgu a’n dysgu’n fwy amrywiol a theg – os byddwn yn cydweithio – Aimee Jones a Leanne Freeman, Prifysgol Metropolitan Caerdydd.
Dianc o’r islawr tawel – Alice Corble a Danny Millum, Prifysgol Sussex
Darllen am Hil – Grwpiau Darllen ac Ymarfer Gwrth-Hiliol mewn Llyfrgelloedd ac Archifau – Sara Huws Prifysgol Caerdydd ac Amy Staniforth, Prifysgol Aberystwyth/CILIP Cymru.
Arferion amrywiaeth a chynhwysiant yn nhîm Ymgysylltu Academaidd a Datblygu Dysgu’r llyfrgell – Daniela de Silva, Prifysgol Westminster.
Defnyddio sgyrsiau wedi’u llywio gyda staff – Martha Ashford, Prifysgol Caerdydd.
Prif siaradwyr:
Mymuna Soleman o’r Privilege Cafe yng Nghaerdydd
Teresa Waldron, sylfaenydd a Chyfarwyddwr Rheoli Deafinitely Women: – sefydliad yn Swydd Derby sy’n cynnig gwybodaeth a chyfleoedd addysgol i fenywod B/byddar a byddarddall.
Os oes gennych chi ymholiadau, cysylltwch â Gill Morris, Swyddog Datblygu WHELF
Edrychwn ymlaen at eich gweld chi ar 29 Mehefin!!