Ym mis Ionawr 2018, daeth aelodau WHELF ynghyd i lansio cynllun benthyca dwyffordd rhwng llyfrgelloedd sy’n rhad ac am ddim. Gwnaed hyn yn bosib trwy ddefnyddio Ex-Libris Alma, sef system ar y cyd i reoli llyfrgelloedd; mae’n ein galluogi i ddefnyddio system graidd i fenthyca adnoddau print a digidol i’n gilydd, a hynny’n rhad ac am ddim.
Bu inni fonitro’r modd roedd y cynllun yn cael ei ddefnyddio yn ystod y cyfnod peilot cychwynnol. Yn ogystal â hynny, ym mis Awst 2018, rhoddwyd system rota ag iddi haenau ar waith i sicrhau bod y cynllun wedi’i rannu’n deg o ran y ffordd roedd yn cael ei ddefnyddio. Mae’r rota hon bellach yn cael ei monitro gan Weithgor WHELF+ ac yn cael ei haddasu bob pedwar mis i ymateb i’r defnydd.
Mae’r cynllun wedi bod yn llwyddiant ysgubol; yn 2024 arbedodd y llyfrgelloedd sy’n aelodau o’r cynllun gyfanswm o bron i £136,000. Yn ogystal â’r budd ariannol diamheuol, mae hefyd wedi arwain at gynnydd sylweddol o ran cydweithio a rhannu gwybodaeth rhwng y sefydliadau sy’n cymryd rhan.
Gan fod y cynllun wedi bod yn gymaint o lwyddiant, gyda chefnogaeth Ex-Libris a’r Llyfrgell Brydeinig, dechreuon ni gynnig i sefydliadau nad ydynt yn WHELF fod yn aelodau yn 2021 (dyna’r rheswm dros y ‘+’ yn ‘WHELF+’!). Erbyn hyn mae 37 sefydliad, sydd ar wasgar yn ddaearyddol a chanddynt ystod eang o arbenigeddau addysgu ac ymchwil, yn elwa ar fanteision aelodaeth WHELF+. Yn ystod 2024, roeddem yn falch o groesawu ein haelod cyntaf o’r tu allan i’r DU, Prifysgol Brandeis yn UDA, ac wrth i ragor o sefydliadau fynegi diddordeb mewn ymuno â’r fforwm, a’r potensial o ddefnyddio adnodd newydd Alma i awtomeiddio prosesau ymhellach, mae dyfodol disglair gan y cynllun.
Darllenwch Gytundeb Lefel Gwasanaeth (SLA) WHELF+ i ddysgu rhagor am sut mae’r cynllun yn gweithio
Os hoffech chi wybod am y cynllun, ebostiwch Jenny McNally, Rheolwr Busnes WHELF LMS
Aelodau cyfredol WHELF+:
Coleg Imperial Llundain
Prifysgol Abertawe
Prifysgol Aberystwyth
Prifysgol Bangor
Prifysgol Brandeis
Prifysgol Caerdydd
Prifysgol Caerfaddon
Prifysgol Caerlŷr
Prifysgol Caer-wynt
Prifysgol Caerwysg
Prifysgol Cumbria
Prifysgol Cymru Y Drindod Dewi Sant
Prifysgol De Cymru
Prifysgol Durham
Prifysgol Efrog
Prifysgol Glasgow Caledonian
Prifysgol Gorllewin Lloegr
Prifysgol Harper Adams
Prifysgol Huddersfield
Prifysgol Kingston
Prifysgol Leeds
Prifysgol Lerpwl
Prifysgol Llundain South Bank
Prifysgol Metropolitan Caerdydd
Prifysgol Newcastle
Prifysgol Northampton
Prifysgol Northumbria
Prifysgol Queen’s Belffast
Prifysgol Salford
Prifysgol San Steffan
Prifysgol Southampton Solent
Prifysgol Sussex
Prifysgol Wrecsam
Royal Holloway, Prifysgol Llundain
Yr Amgueddfa Hanes Naturiol
Y Brifysgol Agored
Ysgol Economeg Llundain